Kryeministri Edi Rama ka reaguar sërish për akuzat e opozitës lidhur me udhëtimet e tij me charter. Në një postim në Twitter, Rama thotë se nxjen neveri “për rublaxhinjtë e opozitës”.
Sipas Ramës, shpenzimi mesatar vjetor i Kryeministrit për udhëtimet jashtë në vitin 2012 ka qenë 226.893Lek të reja kurse në vitin 2020 ka qenë 193.331Lek të reja.
“Udhëtimet e mia u kanë kushtuar taksapaguesve mesatarisht më pak se gjysma e shpifarakut më të ulët në historinë e Shqipërisë, kur fatkeqësisht ishte kryeministër!”, shkruan Rama.
Reagimi i Ramës:
Si të mos ndjesh neveri për rublaxhinjtë e opozitës dhe gjobaxhinjtë e ekraneve, përhapës gënjeshtrash e shpifjesh, katranë me bojë që tallen me publikun!
Shpenzimi mesatar vjetor i Kryeministrit për udhëtimet jashtë👇
2012👉 226.893Lek të reja
2020👉 193.331Lek të reja
Pra në 2 vite e 9 muaj të përdorimit të avionin promocional Albania me një marrëveshje të favorshme me Air Albanian, udhëtimet e mia u kanë kushtuar taksapaguesve mesatarisht më pak se gjysma e shpifarakut më të ulët në historinë e Shqipërisë, kur fatkeqësisht ishte kryeministër!