I deleguari politik i PS-së për rrethin e Kukësit, presidenti i skuadrës veriore Safet Gjici ka përshëndetur patriotët e tij nëpërmjet fb si dhe ka realizuar një videomontazh drejtuar atyre. Kryefjala e mesazhit të kandidatit të mundshëm për Bashkinë e Kukësit është i qartë. Ai u bën thirrje qytetarëve të angazhohen në fitoren e kësaj njësia nga Partia Socialiste.
Postimi i plotë i Gjicit:
Të nderuar miq,
Sot i japim fund një viti, për të nisur një tjetër. Gjithsecili prej nesh, bën bilancin e 365-ditëve, në shumë aspekte.
Në këtë videomesazh timin, dua fillimisht të uroj të gjithë kuksianët, kudo që ndodhen, Gëzuar Vitin e Ri 2019. Qoftë një vit i mbarë, me shumë shëndet, lumturi dhe begati në familjet tuaja. Uroj me zemër gjithëkënd, fëmijë e të rritur, gra e burra, të rinj dhe pensionistë, që të gjejnë te viti 2019 më shumë shpresë dhe gëzim, më shumë realizim dëshirash.
Shpresoj që ky vit i ri që po vjen, të jetë një kthesë e madhe për Kukësin tonë, Kukësin që gjithsecili prej nesh e ka në zemër në çdo çast. Viti 2019 do të jetë një vit me plot sfida përpara, por jam i bindur, se bashkarisht do arrijmë t’i përballojmë dhe fitojmë.
Për mua, Kukësi është prioritet dhe kuksianët kanë qenë, janë e do jenë përherë bashkë, për një qëllim: Zhvillimin e Kukësit tonë!