Shpallen zyrtarisht 3 garues për kreun e ri të SPAK-ut, kush do e zëvendësojë Arben Krajën?

Edvin Kondili, Altin Dumani, Adnan Xholi janë tre kandidaturat për të qenë në krye të SPAK-ut, pasi afat i fundit ishte deri mbrëmjen e së mërkurës. Ata do të dalin para KLP-së për t’u marrë në pyetje e më pas, kreu i ri i SPAK do të zgjidhet përmes pikëzimit. Drejtimin e SPAK-ut e ka ende Arben Kraja, i cili e përfundon mandatin në datën 19 dhjetor. Me përfundimin e madatit të Krajës, merr detyrën drejtuesi i ri dhe Kraja mbetet prokuror i SPAK, pasi si prokuror mandati është 9 vite ndërsa si drejtues zgjidhet çdo 3 vite.