Ndërsa na ndajnë pak ditë nga protesta e opozitës, kryetari i Partisë Demokratike, Sali Berisha ka ndarë fjalën e dy fermerëve dhe thirrjen e tyre për t’iu bashkuar protestës së 12 nëntorit.
Një prej tyre shprehet se situata ku qeveria ka sjellë vendin dhe fakti që për produktet bujqësore nuk ka treg në vend janë disa nga shumë arsyet për të dalë në protestë.
“Në datën 12 dua të shkoj e të protestoj për katastrofën që na ka sjellë kjo qeveri gjatë këtyre viteve për bujqësinë. Mollët që i kemi rritur si fëmijë po i presim. Qepët e patatet i kemi kavaletë e nuk po i shesim dot. Ndaj duhet të protestojmë”, dëgjohet të thotë njëri prej tyre.