Ish-kryeministri Sali Berisha, në një takim me Frontin për Shpëtimin Kombëtar, e cilësoi situatën në vend katastrofale.
Duke akuzuar Ramën për përqendrim të të gjitha pushteteve në duart e një njeriu, Berisha shtoi drejtësia, madje edhe ERE, funksionin siç do kryeministri.
“Sot gjendja në vend nuk është alarmante por katastrofale. Një shpërbërje e shpejtë e qenies sonë. Rrënim dhe rrokullisje. Liria është e drejta e njeriut për vetëdisiplinë. Kjo që bën kjo qeveri duke abuzuar me lirinë, duke asgjësuar ligje, Kushtetutë e çdo gjë tjetër, shumë vështirë një diktator do i bënte me kaq shpejtësi. Në Shqipëri sot Kushtetuta është vetëm një letër pa vlerë. Sot noterë, gjykatës, president, kryeministër, drejtor policie, kryetari i ERE-s i kryen një njeri siç do e çdo bën, pa ligj e Kushtetutë. Të gjitha pushtetet janë të përqendruara në duart e tij. Një njeri i përfolur mijëra herë për probleme të rënda psikike. Të bëhet njeriu gjenerator negativiteti, është e vështirë të imagjinohet. Erdhi në politikë nga kultura dhe është armik i egër i kulturës së këtij vendi. Po shkatërron institucione, trashëgimi”, u shpreh ai.