Eni Dollani është shqiptari që u gjet i pajetë dhe i groposur në Greqi.
I riu nga Gramshi, u gjet i vrarë në plazh nga një person që po shëtiste me qenin e tij.
Në trupin e viktimës u konstatuan shenja dhune të shkaktuara nga goditjet me sende të forta. Sipas mediave greke, ai kishte një shumë prej 12 mijë eurosh, të cilat nuk iu gjetën në xhep në momentin kur u zbulua trupi i tij i pajetë.
Hetimet e deritanishme zbulojnë se Dollani ishte pikasur në një lokal të zonës duke konsumuar pije alkoolike me një grua greke dhe dy persona të tjerë, njëri shqiptar e tjetri pakistanez. Të gjithë janë marrë në pyetje, por asnjë nuk ka pranuar që ka lidhje me vrasjen e tij, ndërkohë që mister mbetet edhe shkaku.