Deputetja e Partisë së Lirisë, Monika Kryemadhi, nuk nguroi që ti përgjigjet kryeministrit Edi Rama, i cili dje në fjalën e mbajtur në Kuvend, i quajti si “PL, parti e lekut”. Kryemadhi ka mohuar të ketë lidhje me rublat ruse.
“PL s’ka marrë asnjëherë financime ruse. Asnjë nga PL s’ka dalë në atë listën e pyetjeve të një hetimi të madh që bëhet sot në Amerike për ish-drejtorin e FBI-së që akuzohet për lidhjen e tij me Ramën, për lidhjen e ngushtë që kanë të bëjnë me financimet ruse.
Sa herë i shtrëngohet litari për inceneratorin e Tiranës, nxjerr ndonjë bllof mediatik që i ka dalë boja e është bërë shumë “old fashion” në këtë drejtim”.