Balla viziton në spital kryebashkiakun e Divjakës: Është jashtë rrezikut për jetën

Kryetari i grupit parlamentar të Partisë Socialiste, Taulant Balla, i cili është edhe drejtues politik i PS-së për qarkun e Fierit ka shkuar në spitalin e Lushnjës për të parë nga afër gjendjen e kryetarit të Bashkisë së Divjakës, Fredi Kokoneshi. Sipas Ballës, Kokoneshi ndodhet jashtë rreikut për jetën. Po kështu edhe shoferi i tij, Gazmir Bullari. Plagosja ndodhi mëngjesin e sotëm rreth orës 9:30, kur autori Orges Xhelili qëlloi me thikë kryebashkiakun dhe shoferin e tij. Ai më pas u kap nga Policia.