Sikundër ishte paralajmëruar, shqiptarët në Britaninë e Madhe kanë dalë këtë të shtunë në protestë kundër deklaratave të Sekretares së Brendshme britanike, Suella Braverman, e cila i etiketoi si kriminelë dhe propozoi që të dërgohen në Ruandë.
Me flamuj shqiptarë, plisa dhe pankarta në duar, ata protestojnë kundër retorikës së ashpër në kufijtë e racizmit.
Mesazhi që shqiptarët në Angli duan të përcjellin në protestën e mbajtur në Westminster Bridge, është se ata nuk janë kriminelë, por taksapagues dhe kontribues në shoqërinë britanike.
