Ervin Karamuço, profesor i kriminalistikës deklaroi se personat që u arrestuan në Berat pas sekuestrimit të 870 kilogramëve kanabis u kapën rastësisht.
“Mbrojtja është në një suaz të juridiksionit territorial. Kur e ka marrë vesh qendra edhe për shkak të ndjeshmërisë së lartë për shkak se është një zonë e drejtimit politik të vetë ministrit të Brendshëm, alarmi ka qenë, sepse në 100 gra do flisnin të 100-ta, në mos ato 50,” – u shpreh Karamuço.
Pra sipas tij, mbrojtja nuk ka munguar, por ka qenë territoriale dhe presioni ka qenë më i lartë sesa mbrojtja.
700 arka me kanabis dhe 8 thasë me boçe kanabisi me peshë 870 kilogramë janë sekuestruar në serën në Berat. Pronari është një 36-vjeçar, ndërsa gratë që paketonin produktin po hetohen për të kuptuar rolin e tyre në organizatë. Ato ishin kryesisht nga zonat periferike të Tiranës.