Policia Rrugore ka ndëshkuar 325 drejtues të motomjeteve. Gjatë natës, drejtuesve të motorëve dhe biçikletave u kërkohet jeleku fosforeshent në mënyrë që të dallohen nga makinat.
Në këtë kuadër, nga kontrollet parandaluese të ushtruara në funksion të planit të masave, janë verifikuar dhe proceduar 325 drejtues motomjetesh, nga të cilët:
• 10 drejtues motomjetesh të modifikuara, të cilët ishin të papajisur me leje drejtimi;
• 32 drejtues motomjetesh, për mangësi në dokumentacionin e nevojshëm për qarkullim;
• 283 drejtues motomjetesh, për mospërdorim të jelekut fosforeshent në kushtet e errësirës.