Sekretari i përgjithshëm i NATO-s, Jens Stoltenberg, tha sot se lufta e Rusisë me Ukrainën ka të ngjarë që të përfundojë në tryezën e bisedimeve.
Duke folur për BBC, ai shtoi se i takon Ukrainës të vendosë se kur është koha për të filluar proçesin e bisedimeve.
“Duhet të kujtojmë se kjo është një luftë agresioni, ku Rusia ka pushtuar një vend tjetër.
Ne të gjithë duam paqe dhe një zgjidhje të negociuar. Por në të njëjtën kohë duhet të kuptojmë nëse Rusia dhe presidenti Putin pushojnë së luftuari dhe Ukraina pushon së luftuari, atëherë do të kemi paqe.
Nëse presidenti Zelensky dhe Ukraina pushojnë së luftuari, atëherë Ukraina do të pushojë së ekzistuari si një komb i pavarur sovran.
Në një fazë, kjo luftë ka shumë të ngjarë të përfundojë në tryezën e bisedimeve, por ne e dimë se rezultati i këtyre negociatave është i lidhur ngushtë me fuqinë në fushën e betejës”, tha Stoltenberg.
Ai shtoi se “i takon Ukrainës të vendosë” kur të fillojë kjo gjë.