Pasi fituan shumicën në Dhomën e Përfaqësuesve, republikanët pohojnë se prioriteti i tyre do të jetë hetimi i familjes së presidentit Joe Biden.
Ligjvënësit thanë se hetimi do të fokusohet te marrëveshjet e biznesit përtej detit, të djalit të presidentit, Hunter Biden. 52-vjeçari është tashmë nën hetim federal, por deri më tani nuk është përballur me ndonjë akuzë.
Djali i kreut të Shtëpisë së Bardhë nuk ka asnjë funksion në administratë, por republikanët këmbëngulin se hetimet do të përcaktojnë shkallën e përfshirjes së presidentit në marrëveshjet e biznesit të të birit, përfshirë kur ishte zëvendëspresident.