Kryeministrja italiane Giorgia Meloni është mbrojtur nga kritikat për marrjen e vajzës së saj në samitin e G20-ës, në ishullin indonezian të Balit.
Pas dy ditësh “punë të palodhur”, ajo u përball me një “debat të jashtëzakonshëm” nëse ishte e drejtë të merrte vajzën e saj me vete për katër ditët që ishte larg vendit, shkroi politikania e ekstremit të djathtë në Facebook. Disa media kanë raportuar që nga e marta se Meloni ka shkuar në samit me vajzën e saj gjashtëvjeçare dhe një dado. “A mendon se është puna jote se si do ta rris vajzën time?”, ka pyetur Meloni iniciatorët e debatit në postimin e saj.
Liderja 45-vjeçare e partisë së krahut të djathtë radikal ”Vëllezërit e Italisë” këmbënguli se ajo kishte të drejtë të bënte më të mirën për kombin, pa e privuar vajzën e saj nga nëna e saj.