Rreth një mijë të rinj vijuan garën të enjten për tu bërë pjesë e Policisë së Shtetit, në Patrullën e Përgjithshme.
Kandidatët të cilët iu nënshtruan testimeve fizike dhe psikologjike, u vizituan nga Drejtori i Përgjithshëm i Policisë së Shtetit, Skënder Hita.
Kryepolici vlerësoi interesin e lartë për t iu bashkuar policisë, dhe falënderoi kandidatët për besimin e treguar ndaj institucionit.
Për 300 kuota në Patrullën e Përgjithshme të Policisë së Shtetit, aplikuan 1300 të rinj, ku pas testit me shkrim 300 prej tyre u skualifikuan.
Testimet fizike, psikologjike dhe mjekësore pritet të mbyllen brenda muajit nëntor, kur dhe pritet të shpallen fituesit.