Një 49-vjeçar shqiptar nga Kosova, baba i tre fëmijëve, ka fituar një milion dollarë në shortin Lotto Max më 18 tetor në Kitchener të Kanadasë.
Gazmen Hashani tha se ai shkoi në dyqan për të kontrolluar dy herë biletat për t’u siguruar.
“Bileta e fundit që kontrollova thoshte 1 milion dollarë. Nuk mund ta besoja dhe e skanova edhe dy herë të tjera. Kur tha të njëjtën gjë, e futa shpejt biletën në xhep”, tregoi 49-vjeçari.
Ai priti që gruaja e tij të shkonte në shtëpi për t’i treguar asaj lajmin e madh.
“Kur i thashë se fitova 1 milion dollarë, ajo filloi të dridhej. Ishte shumë e lumtur dhe e emocionuar për familjen tonë”.
“Është një ndjenjë që nuk e kam përjetuar kurrë më parë”, shtoi ai.