Zgjedhjet e ardhshme vendore kanë vënë në lëvizje partitë politike, ndërsa Partia Demokratike ashtu siç pritej do e nxjerrë kandidatet e vet nga procesi i primareve.
Mjeku Ilir Alimehmeti është një nga emrat që ka kandiduar në primaret per Tiranen, ndërsa në publik është aluduar për një miqësi familjare mes tij dhe kreut të PD Sali Berisha.
I ftuar në Spotlight përball Alban Dudushit, Alimehmeti u pyet mbi këto aludime, ndërsa i pohoi që janë të vërteta, pasi prindërit e tij kanë qenë studentë të Berishës dhe që atëherë kanë ruajtur miqësi familjare.
“Po prindërit e mi kanë qenë student të doktor Berishës dhe gëzojnë një respekt dhe miqësi të vjetër”, tha ai.
Ndërsa më tej. Alimehmeti tha se kandidatura e tij është vetëm për pushtetin vendor dhe jo për qeverisjen qëndrore, ndërsa sipas tij, objektivi i PD është të fitojë në zgjedhjet e 14 majit 2023.