Drejtoria e Përgjithshme Detare ka sqaruar situatën detare në porte për shkak të motit të keq.
Në njoftim bëhet me dije se në lundrimi për mjetet e vogla dhe anijet e peshkimit është pezulluar, ndërsa mjetet që operojnë linjën Durrës-Bari-Durrës, të presin për një njoftim të dytë.
Pezullimi i mjeteve të vogla dhe atyre të peshkimit është bërë edhe në portin e Sarandës dhe të Vlorës deri në përmirësimin e situatës e cila pritet të ndodhë mbas orës 10:00 të datës 23 nëntor 2022.
Në portin Durrës për operimin e mjeteve që operojnë në linjën Durrës-Bari-Durrës , do ju njoftojmë në një moment të dytë. Kurse për mjetet e vogla dhe anijet e peshkimit është i pezulluar lundrimi.
Dy mjetet që operojnë në Portin e Vlorës në linjën Vlorë-Brindisi-Vlorë ndodhen aktualisht në portin e Brindisit. Nesër në mëngjes rreth orës 5:00 AM pritet që të mbërrijë në portin e Vlorës vetëm mjeti “Galaxy”kurse mjeti “Ioan Star “ nuk do të niset nga porti i Brindisit për shkak të kushteve të meteorologjike .Kurse për mjetet e vogla dhe anijet e peshkimit është i pezulluar lundrimi.
Në portin e Sarandës anijet pasagjere të linjës Sarandë-Korfuz-Sarandë janë nisur nga porti i Sarandës në mëngjesin e ditës së sotme dhe ndodhen aktualisht në portin e Korfuzit. Këto mjete nuk do të nisen ditën e nesërme nga Porti i Korfuzit për në Sarandë por do të qëndrojnë në Portin e Korfuzit. Kurse për mjetet e vogla dhe anijet e peshkimit është i pezulluar lundrimi.