Situata në qarqet e prekura nga përmbytjet paraqitet e normalizuar, bën me dije Ministria e Mbrojtjes.
Sipas të dhënave të fundit nga Qendra Kombëtare Operacionale e Emergjencave Civile në AKMC, në qarkun e Shkodrës nuk ka prani uji në asnjë banesë. Ndaj, banorët janë kthyer në shtëpitë e tyre, duke ulur numrin e evakuimeve. Në Lezhë raportohet se ka prani uji në 4 banesa.
“Forcat e emergjencave civile janë në gatishmëri dhe të ndihmë të banorëve, duke shpërndarë edhe ndihma humanitare. Janë shpërndarë 450 pako ushqimore për bashkitë Pukë, Vau i Dejës dhe Lezhë. Aktualisht niveli i të gjithë lumenjve është në kuota nën nivelin kritik. Por situata do të monitorohet pa ndërprerje edhe në orët në vijim. Akset rrugore në të gjithë vendin paraqiten përgjithësisht të lira për qarkullimin e automjeteve”, thuhet në njoftim.