Kryenegociatorët e Kosovës dhe Serbisë, Besnik Bislimi dhe Petar Petkoviç do të zhvillojnë sot një takim në Bruksel me të dërguarin e BE, Mirosllav Lajçak, ku në foksus do të jenë diskutimet për ta arritur një kompromis mes palëve s ai takon reciprocitetit të targave.
Takimi zhvillohet dy ditë pasi në Bruksel u takuan edhe kryeministri Albin Kurti dhe presidenti Serb Aleksandër Vuçiç, por që nuk arritën dot një marrëveshje.
Kurti nuk ka pranuar propozimin e kryediplomatit të BE-së, Josep Borrell për të pezulluar zbatimin e vendimit për të riregjistrimin e automjeteve me targa serbe. Nga ana tjetër, Borrell i ka kërkuar Vuçiçit që të mos lëshojë më targa “KM”, çështje për të cilën ai ka rënë dakord.
Edhe pse nuk u arrit një marrëveshje, Kurti me kërkesën e SHBA shtyu me 48 orë aplikimin e gjobës 150 euro për shoferët që lëvizin me targa serbe në Kosovë.