Pas dëshimit të takimit me presidentin serb, Aleksandër Vuçiç në Bruskel, kryeministri i Kosovës, Albin Kurti thotë se për çështjen e targave ka pasur 8 mundësi zgjedhjeje dhe fajëson Serbinë që nuk pranoi asnjërën prej tyre. Tre opsione ishin të përshtatshme për Kosovën dhe pesë jo fort të përshtatshme, është shprehur Kurti në mbledhjen e qeverisë këtë të mërkurë.
“Të drejtat për pakica në kushtetutë të Kosovës nuk i gjen ne kushtetutë të Serbisë e as në vendet më të avancuara të BE-së. Përfaqësuesi i lartë fatkeqësisht e ndryshoi premisën e negocimit. Filloi të negociojë për një marrëveshje vetëm për pezullim të vendimit qëllimi i madh u hoq nga agjenda”.
Po ashtu Kurti tha edhe se nevoja për normalizimin u zhduk nga tavolina vetëm për t’iu përshtatur presidentit të Serbisë që kishte ardhur vetëm për targat.
“Në rend ditë ishin dy çështje: propozimi i BE-së dhe situatat aktuale. Unë nuk jam as polic as komandant stacioni, as shef dogane që të merrem me gjithfarë çështjesh teknike që dalin gjatë bisedimeve. Unë jam lider shteti, shkoj atje për marrëveshje finale ligjërisht të detyrueshme me njohje në qendër. Autorët e propozimit të BE-se e braktisën propozimin e tyre, prandaj edhe takimi përfundoi”.