Ish-zv-kryeministri dhe deputeti i Partisë Socialiste, Erion Braçe propozoi një amendament ditën e djeshme në seancën plenare, por që nuk ka gjetur mbështetjen e kolegëve të tij të maxhoarncës. Amendamenti i tij gjeti mbështetje tek opozita, por ishin vetë kolegët e grupit socialist që e rrëzuan.
Ai propozoi që mbështetur në nenin 75, pika 3 të Rregullores së Kuvendit të Shqipërisë në projektligjin ‘Për një shtesë dhe disa ndryshime në ligjin nr.92/2014, “Për tatimin mbi vlerën e shtuar në Republikën e Shqipërisë”, të ndryshuar”, të bëhet shtesa e mëposhtme: Pas pikës 40, të nenit 56 Përjashtime të veçanta në import, shtohet pika 40/1 me këtë përmbajtje: 40/1. Importimi i mëshqerrave të mbarsura.
Pak orë pasi partia e tij i rrëzoi amendamentet, Braçe ka ngjallur dyshime me një postim pas mesnate në Facebook. Braçe ka postuar një foto të tijën në Kuvend dhe shkruan: “KOHA PER PUNE TJETER!”
