Me rastin e 110 vjetorit të Pavarësisë së Shqipërisë, do të mbahet një mbledhje e përbashkët mes Kuvendit të Republikës së Shqipërisë dhe Kuvendit të Republikës së Kosovës.
Mbledhja do të mbahet ditën e dielë, më 27 nëntor 2022, në orën 10:00, në Kuvendin e Republikës së Shqipërisë në Tiranë.
Në këtë mbledhje, deputetëve do t’iu adresohen kryetarja e Kuvendit të Shqipërisë, Lindita Nikolla dhe kryetari i Kuvendit të Kosovës, Glauk Konjufca. Mbledhja do të vijojë me fjalimin e kryeministrit të Shqipërisë, Edi Rama dhe fjalimin e kryeministrit, Albin Kurti.
Nga një fjalë përshëndetëse do të mbajnë edhe kryetarët e grupeve parlamentare të Kuvendit të Shqipërisë dhe Kuvendit të Kosovës.
Në shënim të këtij përvjetori, do të mbahen edhe aktivitete të tjera kulturore.
Kujtojmë se më herët kemi patur 8 mbledhje të përbashkëta mes dy qeverive, teksa kjo është hera e parë që do të ndodhë mes dy Kuvendeve.