Një shqiptar është qëlluar me armë zjarri, dhe ngjarja ka ndodhur në Gjermani mbrëmjen e së hënës.
Të shtënat me armë zjarri janë shënuar rreth orës 20:00 në qendrën jugore të qytetit Potsdam, në zonën e Garnstrasse. Sipas informacioneve viktima është rreth 40 vjeç dhe në momentin e atentatit po lëvizte me biçikletë.
Policia gjermane bën me dije se ai u qëllua më plumb në pjesën e pasme të kokës, nga një distancë e shkurtër ndërsa nuk është bërë ende zbardhja e plotë e ngjarjes dhe shkaku i saj.
Autori është në arrati ndërkohë po vijojnë hetimet për identifikimin e tij dhe zbardhjen e ngjarjes.