Samiti i NATO-s në Rumani, u mbyll me një mesazh të qartë për Ballkanin Perëndimor. Aleanca u zotua të ndihmojë vendet e rajonit tonë por edhe më gjerë, të cilat përballen me presion të lartë nga Rusia.
Në takimin e ministrave të jashtëm të NATO-s në Bukuresht, ishin të ftuar dhe ministrat e jashtëm të Bosnje e Hercegovinës, Gjeorgjisë dhe Moldavisë.
“Aleatët e NATO-s u pajtuan të rrisin mbështetjen e përshtatur për këta tre partnerë, duke përfshirë ndërtimin e kapaciteteve, reformën dhe trajnimin për të përmirësuar institucionet e tyre të sigurisë dhe mbrojtjes”,-tha sekretari i Përgjithshëm i NATO-s, Jens Stoltenberg.