Këtë të enjte, Presidenti i Gjermanisë, Frank-Walter Steinmeier, zbriti në Rinas dhe u prit me ceremoni shtetërore nga homologu Bajram Begaj.
Në një konferencë të përbashkët me Presidentin Begaj, Frank-Walter Steinmeier tha se Gjermania dhe NATO gëzohen që kanë një partner kaq të besueshëm. “Është e rëndësishme të forcojmë miqësinë brenda Europës”, tha presidenti gjerman.
Kjo është vizita e parë e një presidenti gjerman në Republikën e Shqipërisë në 27 vite. Vizita përbën një sinjal të mëtejshëm të mbështetjes nga ana e Gjermanisë për të ardhmen evropiane të vendit tonë.