Alarmi për bombë në Terminalin e Trageteve në Durrës ka rezultuar i rremë.
Valixhja e zezë është hapur nga forcat geniere dhe brenda saj kishte raki.
Çanta e zezë u pikas nga punonjësit e sigurisë, të cilët u alarmuan.
Njoftimi:
Sqarim i Drejtorisë Vendore për Kufirin dhe Migracionin Durrës
Në lidhje me një lajm të publikuar në media, për një alarm për bombë në portin e Durrësit, ju bëjmë me dije se:
Në Portin e Durrësit nuk ka alarm për bombë.
Mbrëmjen e djeshme, një qytetar që udhëtonte drejt Italisë, ka harruar bagazhet në Portin e Durrësit dhe ka vijuar udhëtimin drejt Italisë. Policia, sapo ka konstatuar valixhet, ka kryer të gjitha procedurat standarde të verifikimit dhe ka rezultuar se në valixhe kishte veshmbathje, ushqime dhe sende të tjera personale të qytetarit.