Kandidati i Partisë së Lirisë, Lefter Maliqi, i cili u shpall zyrtarisht kandidat i PD-së në Primare për Bashkinë e Kuçovës, nuk i kursen lavdet për ish-kryeministrin Sali Berisha.
Për Maliqin, rikthimi i Berishës në krye të PD-së i ka bërë të gjithë optimistë pas ngërçit që kaploi kampin blu.
“Ç’më duhet vula? E rëndësishme është të vijnë njerëzit. Gjykata nuk është parti. As në organizimin e brendshëm të PD nuk ndikon. Këta (grupi i Alibeaj) mund të dëmtojnë 3 a 4 bashki por nuk do të na ndikojë në rezultat. Ne do të mundohemi të gjejmë gjuhën e përbashkët. Bashkimin e Alibeaj e pengon Rama, blerja, shitet shqiptari dhe ky është gabim i madh. Këta mendonin se Sali Berisha u plak, Berisha na ka bërë optimist dhe ne , shikoni Bashën i dridhen këmbët. Berisha ka një energji të paparë, atë e riktheu Zoti për ta çuar PD në fitore”, deklaroi Lefter Maliqi gjatë një intervistë në “Ora News”.