Policia e Tiranës i ka komunikuar mëngjesin e kësaj të mërkure, masën e arrestit 31-vjeçarit Gert Shehu, i cili goditi me grusht në fytyrë kreun e PD-së, Sali Berisha një ditë më parë gjatë protestës.
Shehu ndodhet ende në spitalin e Traumës dhe masa e arrestit i është komunikuar aty. 31-vjeçari nuk ka pranuar të thotë asnjë fjalë për sulmin e kryer.
Siç duket dhe nga fotoja e mëposhtme, Shehu me pranga në duar dhe i ënjtur firmos deklaratën e tij.
