Kreu i Partisë së Lirisë, Ilir Meta ka përçuar një mesazh ngushëllimi për ndarjen nga jeta të portierit të njohur nga Elbasani, Bujar Gogunja.
Meta shkruan se Gogunja hyri në historinë ndërkombëtare të futbollit duke mos pësuar gol për 1042 minuta.
“Me pikëllim mësova lajmin për ndarjen nga jeta të një prej legjendave të portës shqiptare, “Mjeshtrit të Madh” Bujar Gogunja, ish-portier kampion kombëtar i Labinotit në vitin 1984. Gogunja hyri në kohën e tij në historinë ndërkombëtare të futbollit për mos pësim goli për 1042 minuta, ndaj dhe për vlerat e larta sportive do të kujtohet gjithmonë me shumë respekt dhe mirënjohje. Ngushëllime familjes, miqve, tifozëve dhe sportistëve ndër vite të ekipit të Elbasanit!”, shkruan Meta.
Gogunja është një ndër portierët më të mirë në Shqipëri dhe rekordmeni me përmasa botërore pasi nga 11 dhjetori i vitit 1983 deri më 13 maj 1984, nuk lejoi që të pësojë gol.