Kryeministri i Kosovës, Albin Kurti ka vizituar sot policin Ekrem Neziri, i cili u plagos mbrëmë në fshatin Serbovc të Zveçanit.
Gjendja e tij shëndetësore është e stabilizuar, bënë me dije mjekët.
Sulmi ndodhi rreth orës 23:00 nga persona të armatosur nga një automjet i tipit “Audi”, ngjyrë hiri, me targa KM.
“Ekrem Neziri, polici që u plagos mbrëmë në veri të Kosovës, është operuar me sukses të plotë sot në QKUK. Vullnetin e kishte të fortë, kurse shëndetin e mirë. Me të këtillë zyrtarë mbahet shteti. Kriminelët do të ndiqen e dënohen”, ka shkruar Kurti në Facebook.