Një person humbi jetën pasi u mor nga rrjedha e ujit në Elbasan. Viktima është Ligor Bërdufi i cili ndërroi jetë pasi u mbyt në përroin e fshatit Pashtresh në qytetin e Elbasanit.
Video tregon momentin e fundit para se 59-vjeçari të mbytej. Prurjet në përroin e këtij fshati u shtuan ndjeshëm në orët e fundit për shkak të reshjeve me intensitet.
“Në fshatin Pashtresh, Gjinar, në një përrua, është gjetur nga banorët e zonës, i pajetë Ligor Bërdufi, 59 vjeç, banues në fshatin Gjinar, Elbasan. Nga veprimet e para hetimore dyshohet se ky shtetas ka rënë aksidentalisht në përrua dhe për pasojë është mbytur. Grupi hetimor ndodhet në vendngjarje dhe po punon për zbardhjen e rrethanave të ngjarjes”, tha policia në një njoftim paraprak për mediat.