Kryeministria italiane, Giorgia Meloni e cila ishte në Tiranë për samitin e BE-së dhe Ballkanit Perëndimor, ka sjellur në vëmendje rëndësinë strategjike të hyrjes së Shqipërisë, Maqedonisë së Veriut, në BE si dhe duke shprehur shqetësimin mbi zhvillimin e ngjarjeve në veri të Kosovës.
“Duhet reflektuar se çdo boshllëk strategjik mund të plotësohet nga lojëtarë të tjerë”, u shpreh ajo para parlamentarërve italianë. Sipas kreut të qeverisë së Italisë, “kjo është një çështje sigurie e stabiliteti territorial për shkak të ndikimit destabilizues të Rusisë në këtë rajon”.
Po ashtu kryeministrja u shpreh qartë se duhet të hapen negociatat me Shqipërinë e Maqedoninë e Veriut, e se kërkesa e integrimit në BE për shumicën e vendeve të Ballkanit Perëndimor kalon përmes Italisë.