Një protestë është zhvilluar pasditen e së martës në Propylaia, Athinë për vdekjen e 16-vjeçarit rom, i cili u qëllua nga një oficer policie në Selanik.
Ndërkohë që marshimi po zhvillohej, ka pasur përplasje. Protestuesit hodhën gurë në drejtim të policisë, e cila u përgjigj me gaz lotsjellës.
Raportohet për rreth 20 të arrestuar. Pak para orës 21:00 është rikthyer qarkullimi në qendër të qytetit. Tension ka pasur edhe në sheshin Sintagma, ku policia ka përdorur gaz lotsjellës, ndërsa incidente kanë ndodhur edhe në Stadiou.
