Mbrëmë spektakli “Dancing With the Stars” u shoqërua me debate të forta mes anëtares së jurisë, Valbona Selimllari dhe moderatores Bora Zemani.
“Ajo që shihni ju në ekran është aftësia e produksionit për t’ju nxjerrë ju yje atje. Të gjithë këta që e shohin në YouTube performancën e tyre, e shohin të kuruar atë, kurse ne këtu nuk kurojmë asnjë gjë. Ne shohim çdo hap, të cilin njerëzit nuk e shikojnë në shtëpi”, iu drejtua Valbona konkurrentëve që lëshuan akuza ndaj jurisë.
Në mbështetje të konkurrentëve, Bora tha se produksioni as ndërhyn, as nuk i kuron performancat e tyre.
Pas replikave që u shoqëruan me tone të larta, ka reaguar Monika Lubonja, e cila ka thumbuar Bora Zemanin në një video të publikuar në rrjete sociale.
“Po na dhurojnë nga një çudi më vete, se spektakël nuk është se po na bëjnë, por hajde, nejse. Po 4 muaj mi zemër, moj bukuri, moj dashuri nuk fole, nuk debatove, nuk the një mendim tëndin, tani e gjete të debatosh me yllin më të bukur të Shqipërisë? Bobin? Zemër, është Bobi ajo, është e bukur e lindur”, është shprehur Monika.