Prokuroria e Tiranës ka ndaluar një person i cili dyshohet se është i përfshirë në një skemë mashtrimi që parashikonte t’i shkaktonte dëm buxhetit të shtetit rreth 1.2 milionë euro.
Shtetasi me inicialet I.TH, mundi të merrte nga Ministria e Financave një shumë prej rreth 50 milionë lekësh të reja, si pasojë e konstatimit të pavlefshmërisë së kontratës së shitjes së një magazine ndaj Drejtorisë së Shërbimit Qeveritar.
Ministria e Financave ka shlyer detyrimin ndaj kreditorit I.Th të vendosur nga gjykata e Apelit në lidhje me vlerën e objekteve të blera e konvertuar me indeksin e rritjes së çmimeve, ndërkohë që ky shtetas nuk ka qenë asnjëherë pronar i truallit apo magazinës në fjalë.
Prokuroria bën me dije se ka nisur hetimet dhe në lidhje me personat e tjerë të përfshirë në këtë çështje.