Një aksident me vdekje është shënuar këtë të shtunë në aksin Berat-Lushnje.
Drejtuesi i një mjeti ka përplasur një 72-vjeçar, i cili po lëvizte me biçikletë, dhe më pas është larguar nga vendi i ngjarjes.
Idajet Çobo u gjet i shtrirë në rrugë nga drejtuesit e makinave të tjera që kanë qarkulluar më pas, të cilët kanë njoftuar policinë.
72-vjeçari është transportuar me ambulancë drejt Spitalit Rajonal Berat, por nuk ka arritur t’iu mbijetojë dot plagëve.
Efektivët e policisë janë duke punuar për identifikimin dhe kapjen e autorit të aksidentit.