Kreu i Partisë Demokratike Lulzim Basha ka reaguar në Facebook për ngjarjen tek Bregu i Lumit, ku thotë se qeveria ka tradhëtuar njerëzit e thjeshtë, dhe Shqipëria është në mjerim ekonomik , me padrejtësi e pasiguri në çdo cep të saj.
Ai i bën thirrje shqiptarëve të bashkohen për t’i dhënë fund këtij regjimi e për të garantuar një qeveri që punon për popullin.
POSTIMI I BASHES
Dhunë, gaz dhe terror nga policia kundër qytetarëve në shtëpitë e tyre! Kjo qeveri i ka tradhëtuar njerëzit e thjeshtë dhe Shqipëria është në mjerim ekonomik, me padrejtësi dhe pasiguri në çdo cep të saj.
Te gjithë ata që urdhëruan, dhunuan dhe sulmuan me gaz në shtëpitë e veta qytetarët dhe fëmijët e tyre në mënyrë kriminale, do të mbajnë përgjegjësi!
Ju bëj thirrje të gjithë shqiptarëve ti dëgjojnë këto këmbana alarmi, të bashkohemi, ti japim dorën njëri-tjetrit për ti dhënë fund këtij regjimi, për të çliruar drejtësinë, e për të garantuar një qeveri që punon për popullin