Sekretari i përgjithshëm i aleancës ushtarake, Jens Stoltenberg iu ka kërkuar shteteve anëtare që të konsiderojnë furnizimin me më shumë armatim për Ukrainën.
“I bëj thirrje aleatëve të bëjnë më shumë. Është në interesin tonë të sigurisë që të sigurohemi që Ukraina të mbizotërojë dhe (Presidenti rus Vladimir) Putin të mos fitojë”, tha ai.
Stoltenberg tha se është e rëndësishme që Ukraina të merr municion të mjaftueshëm për sistemet tashmë të vendosura, duke shtuar se nevoja ishte “shumë e madhe”.
Stoltenberg këmbënguli se mbështetja ushtarake për Ukrainën ishte mënyra më e shpejtë për të arritur paqen.
“Ne e dimë se shumica e luftërave përfundojnë në tryezën e bisedimeve – ndoshta edhe kjo luftë – por ne e dimë se ajo që mund të arrijë Ukraina në këto negociata varet nga situata ushtarake”, tha ai.