Shkak i vrasjes së 31-vjeçarit shqiptar me origjinë nga Kukësi në lokalin e natës në Prizren dyshohet se është bërë pagesa e faturës.
Dyshohet se autor i vrasjes të ketë qenë pronari i klubit, Dibran Hoxhaj, i quajtur edhe si “King Kobra”.
Si pasojë e plagëve të marra 31-vjeçari Visart Cengu ka ndërruar jetë gjatë rrugës për në spitalin e Kukësit, ndërsa 27-vjeçari Rufgen Shehu, ndodhet në spital nën kujdesin e mjekëve.
Nazan Shero, prokurorja e Prokurorisë Themelore të Prizrenit, e cila po merret me rastin e vrasjes dhe plagosjes së dy të rinjve nga Kukësi, ka deklaruar se dëshmitarët e marrë në pyetje kanë treguar se shkak për këtë ngjarje tragjike është bërë fatura prej 400 eurosh e tavolinës ku ishin ulur viktima dhe miku i tij.