Japonia po ofron të paguajë familjet për t’u larguar nga kryeqyteti i saj i mbipopulluar, në një përpjekje për të rigjallëruar qytetet e vogla dhe fshatrat. Duke filluar nga prilli, familjet në zonën metropolitane të Tokios, do të kenë të drejtë të marrin 1 milion jen (7,700 dollarë) për fëmijë nëse lëvizin në zona më pak të populluara.
Për dekada, njerëzit në të gjithë Japoninë kanë migruar në qendrat e saj urbane duke kërkuar mundësi pune. Tokio është qyteti më i populluar i vendit, me rreth 37 milionë banorë. Emigrimi i të rinjve nga fshatrat drejt qyteteve të mbushura me njerëz, është një faktor kyç në krizën më të madhe demografike të Japonisë, sipas ekspertëve.
Vendi ka luftuar prej kohësh me nivelet e ulëta të lindjeve dhe jetëgjatësinë, dhe ka parë që numri i vdekjeve të jetë më i madh se lindjet në vitet e fundit.