Rusia mburret me avionët e saj MiG, dhe madje flota historike e avionëve shqiptarë (me bazë në Kuçovë) ishin prodhime MiG të versioneve të ndryshme. Në Shqipëri, i fundit është përdorur në vitin 2006.
Por, arkitekti i avionëve të famshëm ishte një ruso-hebre: Mikhail Iosifovich Gurevich (12 janar 1893-12 nëntor 1976).
Gurevich, i cili lindi në një familje hebrenjsh në qytetin e vogël Rubanshchina (rajoni i Kursk në Rusi), ndoqi studimet për matematikë në Universitetin Kharkov, por pas një viti u përjashtua për shkakto pjesëmarrjes në aktivitete revolucionare, duke e vazhduar edukimin e tij në Francë, në Universitetin e Monpelje.
Në verën e vitit 1914 i kthye në Rusi kur shpërtheu Lufta e Parë Botërore, ndërkohë që u diplomua në Fakultetin e Aviacionit të Institutit Teknologjik të Kharkov dhe punoi si inxhinier në një kompani sovjetike.
Në vitin 1929, Gurevich u transferua në Moskë, ku vazhdoi karrierën e dizenjuesit të avionëve. Në 1937, ai u takua me partnerin e tij të ardhshëm, Artem Mikoyan.
Së bashku edhe me Artem Mikoyan, ata themeluan zyrën e aviacionit ushtarak “Mikoyan-Gurevich”, e famshme për avionët ushtarakë të Forcave Ajrore Sovjetike, për role të ndryshme luftuese gjatë Luftës së Ftohtë.
Në vitin 1940, Mikoyan dhe Gurevich dizenjuan dhe ndërtuan avionin ushtarak për fluturime në lartësi, MiG-1, ndërkohë që avioni tjetër MiG-3 i përdor gjerësisht në Luftën e Dytë Botërore.
Në vitet e pasluftës, të dy dizenjuan avionët a parë luftarakë sovjetikë, tip “xhet”, përfshirë dhe modelet e para supersonike.
Zyra e tyre projektoi 170 avionë të ndryshëm, ndërkohë që u prodhuan 45 mijë avionë MiG, 11 mijë prej të cilëve u eksportuan. Avioni i fundit, për të cilin Gurevich punoi personalisht, përpara së të dilte në pension në vitin 1964 ishte MiG-25.
Mikhail Iosifovich Gurevich nuk u bë kurrë anëtar i Partisë Komuniste Sovjetike.
Për punën e tij të jashtëzakonshme, Mikhail Gurevich, u nderua me dekoratat më të mëdha në Bashkimin e Sovjetik, përfshirë Medaljen e Stalinit dhe Leninit, si dhe titullin Heroi i Punës Socialiste.
Mikhail Gurevich vdiq në moshën 83-vjeçare në Leningrad.