Nga 71 testime të kryera gjatë 24 orëve të fundit, vetëm 1 qytetar ka dalë pozitiv me koronavirus.
Rasti i vetëm është identifikuar në Delvinë, ndërkohë në Spitalin Infektiv po marrin trajtim 2 pacientë.
Janë shëruar 28 qytetarë, duke e çuar numrin e të shëruarve në 329,138 që nga fillimi i epidemisë.
Ministria e Shëndetësisë dhe Mbrojtes Sociale i bën thirrje qytetarëve të mos neglizhojnë vaksinimin anticovid dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit. Vaksinimi anticovid dhe i gripit kryhet në qendrat shëndetësore në të gjithë vendin.