Ministri i Brendshëm, Bledi Çuçi gjatë prezantimit të punës së Policisë së Shtetit përgjatë 2022, tha ndër të tjera se janë konfiskuar 24 mln euro asete kriminale.
“Asete kriminale të konfiskuara sipas ligjit Antimafia, dhe nuk po marr këtu OFL, kemi 747 mijë euro në 2012 me pak a shumë 24 mln euro në 2022. Pra janë në dispozicion të shtetit shqiptar këto asete. Koha e reagimit të policisë, në 2016, ka qenë 25 minuta në 2022 15 minuta, objektivi është që ta çojmë në 13 minuta. Ndryshimi si nata me ditën edhe në perceptimin e publikut për punën e Policisë së Shtetit”, u shpreh Çuçi, ndërsa theksoi se gjatë këtij viti u arrestuan 168 punonjës policie në kuadër të luftës pa kompromis luftës ndaj korrupsionit brenda Policisë së Shtetit.