121 persona kanë humbur jetën në aksidente ajrore në territor të BE-së gjatë vitit 2021.
Në raportin e fundit të zyrës evropiane të statistikës, Eurostat, numri është thuajse i njëjtë me vitin 2020, kur kishte 122 jetë të humbura, një rënie prej 0.8 për qind.
Gjatë vitit 2021, sikurse në 6 vitet e fundit, në territor të BE-së nuk ka ndodhur asnjë fatkeqësi e përmasave të mëdha që përfshin fluturimet komerciale.
Shumica e jetëve të humbura kanë ardhur si pasojë e fatkeqësive ku janë përfshirë fluturake të vogla, me peshë maksimale të ngritjes më pak se 2.250 kg. Me këtë kategori avionësh kanë humbur jetën 112 persona – 93 për qind e të gjitha vdekjeve në fatkeqësi ajrore në Evropë gjatë vitit 2021.
Shumica e vdekjeve, 77 për qind në kategorinë nën 2.250 kg janë regjistruar në Francë, 46 viktima, dhe në Gjermani, 40 viktima.