Kreu i grupit parlamentar të PS-së, Taulant Balla tha se do të ndryshojnë ligjin për Komisionet Hetimore. Po ashtu theksoi se asnjë shkresë e firmosur nga Sali Berisha nuk do të merret parasysh, ndaj dhe fton të interesuarit të aplikojnë për Avokatin e Popullit, pasi opozita e pati kohën për propozime.
“Është firma, nënshkrimi i një personi të shpallur non-grata nga SHBA-ja. Ajo kërkesë, ajo letër nuk merret parasysh, pra në aspektin formal kërkesa nuk mund të shqyrtohet sa kohë gjendet nënshkrimi i këtij personi.
Në këto 2 vite më është dashur të refuzoj një personalitet si Simon Miraka se ishte me firmën e non-gratës, edhe kërkesa të tjera duhen refuzuar me patjetër. Kuvendi të adresojë në mënyrë urgjente të gjitha vendimet e Kushtetueses në 20 vitet e fundit.
Ligji flet për shqyrtim nga ana e Byrosë së Kuvendit. Ne do të kemi mundësinë të ndryshojmë ligjin për komisionet hetimore, të kemi një komision për adresimin e ndryshimeve. Kuvendi duhet të respektojë vendimet e Gjykatës Kushtetuese”,-tha Balla.