14 ish-zyrtarë të Matit po hetohen nga SPAK për korrupsion dhe shpërdorim detyre.
Burime të sigurta informacioni pranë organit të akuzës bëjnë me dije se në Prokurorinë e Rrethit Gjyqësor Mat kanë mbërritur dosjet për ish-kryetarë bashkie dhe komune gjatë qeverisjes së Partisë Demokratike, të cilët kanë abuzuar vite më parë me postin zyrtar.
Mësohet se dosjet e tenderave të ujësjellësave, rrugëve, kanaleve ujitëse, pastrimit të qytetit, objekteve shkollore dhe sociale, kanë mbërritur pranë Prokurorisë Mat.
Kjo e fundit pasi i ka administruar dosjet voluminoze po merr masa për caktimin e disa ekspertëve që do të merren me çdo dosje që SPAK ka dërguar për hetim në organin e akuzës Mat.
Të shumta kanë qenë ankesat e banorëve të këtij rrethi dhe sidomos firmave pjesëmarrëse në tendera, të cilat kanë akuzuar ish-drejtuesit vendorë të PD-së për abuzime të mëdha.
Disa prej zyrtarëve kanë emigruar jashtë vendit për t’iu shmangur drejtësisë.