Një shqiptar 35-vjeçar është arrestuar në Spanjë pasi mbi të rëndon akuza e abuzimit seksual me një të mitur në Vilafranca dek Penedes.
Mësohet se vajza 16-vjeçare po dilte nga një lokal në Barcelonë, me miqtë e saj, ku shqiptari e ka marrë me forcë ndërsa bashkëmoshatarët e saj janë larguar nga frika.
I arrestuari raportohet se është Florjan S. Ai u vu në pranga të shtunën e kaluar më 7 janar.
Ishte vetë e reja ajo që u tregoi agjentëve shtëpinë ku ai e kishte mbajtur deri në pesë orë në Sant Martí Sarroca , ngjitur me Vilafranca.
Sulmuesi i saj e la të largohej rreth orës 10:00 të së shtunës, pasi plotësoi nevojat e tij seksuale. “Mbarova, ju mund të shkoni tani , ” publikoi La Vanguardia në lidhje me atë që sulmuesi i tha vajzës përpara se ta lironte.
E mitura, vetëm 16 vjeçe , shkoi për të kërkuar ndihmë në një furrë buke aty pranë dhe prej andej e transferuan në spital. Po atë pasdite, rrëmbyesi dhe përdhunuesi i saj u arrestua nga Mossos . Tre ditë më vonë ai u dërgua në gjykatë, në Gjykatën Hetimore 5 të Vilafrancës , e cila urdhëroi vendosjen e tij në paraburgim pa kusht .
Burg pa kusht për njeriun që rrëmbeu dhe përdhunoi një të mitur në Vilafranca de Penedès. Sipas policisë, ai kishte edhe lidhje me drogën.
Ajo që ndodhi gjatë rrëmbimit të saj ishte një makth i vërtetë: kundër vullnetit të saj, ajo u fut në makinën e sulmuesit , i cili i tha një shokut të tij përmes telefonit “goditjen e madhe”. Ai shkoi me makinë në pronën e tij, në Sant Martí Sarroca , ngjitur me Vilafranca. Më parë, ka ndaluar automjetin në disa vreshta dhe ka përdhunuar për herë të parë të miturën. Më pas, ai e ka sulmuar sërish seksualisht në shtëpi.