Britania e Madhe po shqyrton mundësinë për të furnizuar me tanke ushtrinë ukrainase në luftën kundër rusëve.
Mediat britanike shkruajnë se plani është për të dërguar në Ukrainë tanket Challenger 2 që përdoren në fushëbetejë.
Nëse merret vendimi, kjo do të jetë hera e parë që një vend anëtar i aleancës perëndimore furnizon me armë të rënda të kësaj kategorie.
Pajisja me tanke ka qenë një prej kërkesave më të hershme të Kievit. Londra ka në plan të trajnojë ushtarët ukrainas për një fazë të re lufte, teksa gjasat janë që Moska po mobilizohet për të ashpërsuar sërish sulmin në Ukrainë rreth pranverës.