Ministria e Mbrojtjes ka dalë me një sqarim për ngjarjen që u shënua sot pranë portit të Durrësit, ku u përfshi nga flakët një anije.
Sipas ministrisë, efektivët e Forcës Detare iu përgjigjen menjëherë thirrjes së autoriteteve portuale, duke bërë të mundur evakuimin e ekuipazhin dhe shuarjen e zjarrit.
“Dy anijet P-133 LISSUS dhe P-04 SEMANI dhe ekuipazhi i Forcës Detare në bashkëpunim me Sigurinë Portuale në Durrës arritën të vënë nën kontroll zjarrin e rënë në anijen tregtare “KLEDES MARY”. Efektivët tanë të Forcës Detare iu përgjigjën menjëherë thirrjes së autoriteteve portuale, duke evakuar në kohë ekuipazhin e anijes me flamur panamez dhe duke shmangur rrezikun për jetët njerëzore” thuhet në njoftim.